Yeḍra-d ussan-a kan deg taddart n Ayt Idris, taɣiwant n Tsexriwt, yiwen n ubaxix yessewhem amecṭuḥ d umeqqran, imi ur nennum yettili-d deg yidurar-nneɣ. D yiwet n temɣart i yettwawfen dɣa terɣa armi d iɣes deg yiwen n lkuri i ur nebɛid aṭas ɣef uxxam-is. Ar tura, ur iban ara akken ilaq amek, neɣ anta d ssebba i d-yewwin tamettant am ta. Wa yeqqar d asehwu (accident) kan am wiyaḍ, wa yettmeslay ɣef tmentilin-nniḍen i yeffren. Aneḍruy-a, yesgugem akk asamar n Bgayet, ladɣa Tasexriwt d Ayt Smaɛel, imi akken i d-nenna, nsell d amecṭuḥ i yettḥaz urɣay s ṭṭaqa. Ad d-nesmekti dakken deffir twaɣit-a yesseḥzanen, yettwasneɣmes Uḥuddu Aɣerman (Protection Civile), wwḍen-d dindin yirgazen-is, wwin tamerḥumt ɣer sbiṭar.
M. K.