Sɛnan Leqbayel isufar ttdawin yis-sen seg tallit taqburt ar tura. Gar yisufar-agi, ad naf zzit ur kkin waman. Llan wid i as-yeqqaren zzit n tfarract neɣ zzit yeqqaṭren. Zzit –agi, seg zzman aqbur ttdawin yis-s aṭṭan n taɣect neɣ tiwarmin, telha i tɛebbuḍt. Maca, ad naf tasuta n tura ur tt-ssinen ara, mi helken ad azlen ad d-aɣen les antibiotiques. zzit –agi teksen-tt-id mi ara yili uzemmur d aleqqim, uqbel ad iɛeddi ɣer temɛessert, ur tesɛi ara aman. Zik, d tagi kan i sexdamen Leqbayel i udawi, abeɛda i warrac imecṭaḥ. Win ileqḍen azemmur, ad t-yawi ɣer lemɛinṣra, itekkes-d litra neɣ snat i dwa. Ma yella d tura, qlil anwi i tt-id-itekksen imi tettawi aṭas uzemmur dɣa smenyifen ad tili d zzit n dhan, yerna tura ɣlayet zzit ur kkin waman tewweḍ ɣer 150 idinaren i litra. Mazal kra n temnaḍin am tɣiwant n Uqbil i tt-isewun d dwa. Mazal tettnuzu deg lemɛinsra , acku taɣiwant–agi ur ttun ara ayen i d-ğğan lejdud-nsen, ama d leɛwayed neɣ d isufar–agi n udawi am zzit ur kkin waman.
Z.A.Y