Illa yiwen n urgaz yaεya ittweṣṣi mmi-s γef uḍegger n yidrimen, maca mmi-s nni ur ismeḥsis ara, asmi id-iḥder baba-s ad immet inna-yas: A mmi atan usenduq-agi iččur d idrimen, asmi ara ten-tekfuḍ, (iwehha-yas γer yiwen n umrar iεelleq di tzeqqa) inna-yas:-Ṛuḥ εelleq din iman-ik. Iεedda zzman immut baba-s, netta yuγal γef isurdiyen-nni menwala ikellex-as, medden akk d leḥbab-is, tewweḍ-d teswaεt deg ikfa usenduq-nni, iruḥ γer leḥbab-is ur yufi yiwen, iqqim-d weḥd-s, ula d lxudma ulac win ara t-isxedmen acku ur iwulef ara laεtab. Yuγal issen d acu i d ddunit, imekta-d amrar-nni i s-imla baba-s, iruḥ ad iεelleq iman-is, iγli-d, teγli-d deffir-s tyemmust n lwiz iffer-itt baba-s, dinna i ifhem tamsirt.
Yeḥya Yanes