Aεeqqa yessawalen

Partager

Ihi, nnan-as ad tt-nεass. Ṛğan-tt armi tṛuḥ, tebεen-itt s deffir, ffren-as. Tṛuḥ γer teγzut anda tkess lmal, slan-as amek i la tcennu. Nnan-as: « Ndeεεa-kem s Ṛebbi ar d aγ-d-tiniḍ d acu-kem a lxelq-agi ? ». Teḥka-asen-d tamacahut si tazwara am wakka i tt-id-nessawel. Yiwen deg-sen ur tt-yumin ara, yenna: « Efk-aγ-d ttbut belli d uletma-tneγ ay telliḍ mačči d taklit ». Tessawel i uεeqqa yessawalen, yaweḍ-itt-id imir-n. Ddan yid-s sakin armi d tala-nni n tḥerṛiyin, tessared deg-s, tuγal-d am zik-is. εeqlen-tt akk watmaten-is deg wudem-is, tcuba yemma-tsen, dγa umnen, feṛḥen yakk yis-s. Ddmen kkren-as s teγrit i taklitt-nni armi tettfuḥu, uγalen-d sakin d uletma-tsen s axxam. Mi d-wwḍen, imawlan-nsen, ula anda ad ak-gen a lfeṛḥ, gan tameγra n sebεa wussan d sebεa waḍan. Armi iεedda lḥal, zzuγren-d Sstut-nni seg ucebbub-is, nnan-as i uletma-tsen: « D acu ara am-yeqqden tasa?». Tenna-asen: « Sukket-tt-id i sebεa tẓegwa n yiwaγezniwen d sebεa temqebrin ar temmet. Afus-is ad ttεemmiṛen yis-s iγiγden, aḍar-is ad t-geγ d tamezzirt ad ssufuɣen yis-s leγbar si tzuliγt, ma d aqerru-s ad t-geγ d inyen. Ddmen, xedmen-as akken i Sstut. Uγalent akk Sstutat ceεfent. Ma d nitni yegra-asen-d liser, ddren di lehna armi mmuten. Ha-t-an wamek tella tmacahut n uεeqqa yessawalen. Tamacahut-iw lwad lwad sawleγ-tt-id i warraw n leğwad Uccanen ad ten-yeqqed Ṛebbi Ma d nekni ad aγ-yeεfu Ṛebbi Ad ntett irden n ukufi Ma d wid n teylut ur ten-nufi.

seg tgemmi n teqbaylit

Partager