Mazal teṭṭef tneɣlaft n usegmi aɣelnaw, Massa Nouria Benghabrit, deg yizemzan n yikayaden n taggara n useggas-agi 2017, i d-tefka yakan deg waggur n cutember 2016 deg tansa (le site) n tneɣlaft-is. Ihi ha-ten-in amek ara d-asen: akayad n taggara n uswir amenzu 5e, ad d-yili ass n 28 deg waggur n maggu 2017, deg yiɣerbazen-nsen am useggas iɛeddan. Ma d win n taggara n uswir n ulmud alemmas BEM, ad d-yili gar 04 ar 06 seg waggur yunyu 2017. Ma d win n taggara n uswir n tesnawit BAC, ad d-yili gar 11 ar 15 deg waggur n yunyu. Ma d akayad n waddal i yinelmaden imyunan, yebda iḍelli 19 deg meɣres, ad idum alamma d ass n lexmis 23 seg waggur-agi ideg nella.
A. A.