Ass-nni n lexmis 16 deg meɣres i bdan yimuras n tefsut. Ad ilin seg 16 deg meɣres ar 2 deg yebrir 2017. Acu kan, xas ulamma d imuras s wudem unṣib, meɛna ad d-yili uselmed i kra n yinelmaden i yesɛan uguren deg leqraya-nsen. Ayagi, ad yili deg ddurt-agi tamezwarut. Imuras n unebdu, ad bdun ass 6 deg yulyu 2016.
Azal n 1925 n yiselmaden ara yeffɣen deg taggara n ɣuct 2017
Ma ɣef wayen yeɛnan tastaɣt neɣ lintrit, akken i as-qqaren, yefka-d unemhal n leqraya n Tizi Uzzu, Mass Belkadi, kra n yisallen icudden ɣer uḥric n leqraya. Deg tazwara, yennan-d d akken 1925 n zmamat i d-ssersen yiselmaden ara yeffɣen seg lxedma, ssawḍen 60 n yiseggasen deg leɛmer-nsen neɣ 32 n yiseggasen n lxedma, llan wid issersen zmamat-nsen akken ad ffɣen uqbel lawan, uqbel ad siwḍen 60 yiseggasen. Ssersen zmamat-nsen seg 01 deg tuber alamma d 31 deg tuber 2016. Ad ffɣen yakk ass n 31 deg ɣuct 2017 ama d wid yuwḍen 60 n yiseggasen neɣ ur newiḍ. Maca tura yeffeɣ-d lqanun i d-yeqqaren ulac tuffɣa ma yella yiwen ur yessaweḍ ara 60 n yiseggasen deg leɛmer-is, xas akken tella-d tikli d uneḥbus ɣef lxedma ayyur n unbir d duğember 2016 , sin wussan yal ddurt. Maca taneɣlaft n ttrebga, Massa Nouria Benghebrit, ur teqbil ara asuter-nsen. Ilaq yiwen yessawḍen 60 yiseggasen, ad yeffeɣ ma d wayeḍ xaṭi. Yenna-d, diɣ, yimḍebber amezwaru n ttrebga n Tizi Uzzu : ‘’ad nesddukkel zmamat n wid ara yeffɣen ɣef 60 yiseggasen d wid ara yeffɣen uqbel 60 yiseggasen, ad d-ffɣen d imukan n lxedma i yiselmaden imaynuten , ad d-tili fell-asen temsizzelt i useggas n leqraya i d-iteddun, ɛlaḥsab tangiwin’’.
Z.A.Y