Deg wussan-agi iɛeddan, i d-yessuffeɣ Mass Semmani Akli yiwet n tefda n tfellaḥt n tmurt n leqbayel, yessuffeɣ-itt-id ɣertezrigin “Aures Emballages” n Braa Ben Khedda. Iger-d deg-s, aṭas n tugniwin i d-isenfalayen tudert d tɣerma akked wansayen n tmurt n tmazɣa. Llant deg-s ttsawer n kra n yigelliden imaziɣen yecban: Dyhia d Massnssen, akked sin n yirgazen yiwen d agrawliw wagi d Abane Remdane, wayeḍ d azamul n tmussni wagi d Mulud Mɛemmri. Yal tasemhuyt, yefka-d akk ansayen xeddmen medden deg-s s tugniwin. Yefka-d diɣen ussan n ddurt, wid n wagguren, tinilwin s tmaziɣt, yal tasemhuyt yenna-d azemz melmi tbeddu d melmi tettfaka. Ad d-nesmekti belli, Mass Semmani Akli d mmi-s n Trihant, yettabaɛen ɣer tɣiwant n Boudjima. D wagi i d amahil-is amezwaru deg unnar n usizreg, tura akka ha-t-an la yettheggi yiwen n udlis ideg ara d-isefhem s wuzig tafda-agi, d wacu xeddmen medden deg yal tasemhuyt n useggas.
Ghani Amazigh