Inelmaden n ugezdu n tutlayt d yidles amaziɣ (DLCA) n tesdawit Lmulud At Mɛemmer n Tizi Uzzu, ɣelqen ussan iɛeddan agezdu-agi n tmaziɣt imi ur asen-yeɛjib ara usihel n yikayaden n yimesdis amezwaru n useggas-agi asdawan 2016/2017. Tefka-d tedbelt n Ugezdu-agi, tikkelt tamezwarut ahil n yikayaden seg 08 ar 16 deg meɣres ideg nella. Maca, ugin inelmaden d umazday-nsen asihel-agi, deg unejmuɛ i xedmen d yiselmaden. Uɣalen gezmen-tt deg rray ad sɛeddin ikayaden-nsen seg wass n lḥed 02 deg waggur n yebrir 2017. Ikayaden-agi ara d-yilin mebɛed imuras n tefsut, rzan inelmaden n uswir wis sin d wis kraḍ n turagt akked yinelmaden n useggas amezwaru n Master. Ad bdun ass n lḥed 02 deg waggur n yebrir ad kfun ass n sed 08 dima deg waggur-agi n yebrir 2017. Ma d wid n useggas amezwaru n turagt, yuɣ lḥal nutni sɛeddan yakan, uqbel imuras n 15 wussan n tefsut.
Ghani Amazigh