Ad d-nesmekti kan belli, iɛedda yiwen n lweqt asmi tella tesqamut n taddart, yal taggara n ddurt tettili-d tecmilt n ussizdeg, maca seg wasmi tettwakkes yeḥbes umahil-agi i d-isenfalayen udem n lemɛawna.
Ilemẓyen n taddart n Tahanouts, kkren-d tasebḥit n wass-nni n lǧemɛa bdan yiwet n twizi n ussizdeg n twennaḍt. Bdan afraḍ n tregwa, syin d iberdan, syin akkin d timeqbert. Tebda tecmilt-agi seg tṣebḥit n wass armi d tameddit n wass, yerna ayen yessefraḥen akk imi mačči d tasqamut n taddart i ulac acḥal-a neɣ d tiddukkla n twennaḍt i werɛad i d-nlul i d-yessawlen ɣer leqdic-agi igerrzen, maca d lebɣi n kra n yilmeẓyen iḥemmlen tezdeg d ccbaḥa n ugamma. Imezdaɣ ladɣa ilmeẓyen-nniḍen rran-d i teɣri n wid yecɣeb wugur n wammus. D ayen igerrzen imi i d-sebgnen udem n twizi d tallelt gar yimezdaɣ n taddart-agi, d useḥbiber ɣef cbaḥa n ugamma d twennaḍt. Ad d-nesmekti kan belli, iɛedda yiwen n lweqt asmi tella tesqamut n taddart, yal taggara n ddurt tettili-d tecmilt n ussizdeg, maca seg wasmi tettwakkes yeḥbes umahil-agi i d-isenfalayen udem n lemɛawna. Teqqim taddart-agi azal n 3 n yiseggasen mebla ma tella-d twizi n ussizdeg neɣ tmecreḍ.
A.A