Tesmekti-d ddurt iɛeddan taddart n Ayt Tɛisiwt deg Ayt Smaɛel yiwen seg yizamulen n usegmi deg temnaḍt i d-irebban acḥal d tasuta, i aɣ-yeǧǧan 6 n yiseggasen tura ɣer deffir; wa d amerḥum Dda Lḥamid n Ayt Icemciwen. Anemhal aqbur n uɣerbaz amenzu n Tarwa n Xennic i yeṭṭef acḥal n yiseggasen deffir Muḥend Ṭaher Amir. S uḥḍar n waṭas n wudmamen, ama d imḍebbren n tɣiwant n Ayt Smaɛel, imeddukkal-is neɣ d wid yellan yakan deg unnar n usegmi, tɛedda deg tegnatin igerrzen tejmilt-a i d-thegga Tdukkla tamaynut « Asirem n Krun ». S waṭas n waktayen n lɛali d yiḥulfan yelhan i d-mmeslayen yimeḥḍar ɣef umdan-a i yuɣen amkan deg wul n umeqqran d umecṭuḥ. Imi Dda Lḥamid d win i d-yesseknen dima amek i yelha ad yili yiwen, ama deg teɣzi n yiseggasen ideg yeṭṭef aɣerbaz amezwaru Tarwa n Xennic, neɣ ula mi yewwi tastaɣt (lantrit). Deffir tnagiyin n yal yiwen ɣef urgaz-a n lɛali, tekfa temlilit s tuččit n kra n tiẓeḍt tafessast. Ma seg tama n yiɛeggalen n tdukkla-a, snemmiren kra n win i d-yusan, neɣ i d-yefkan afus, bac ad temmag tejmilt-a i win i yuklalen.
M. K.