Deg yiwen n wulɣu i aɣ-d-yewwḍen larebɛa iɛeddan sɣur Uḥuddu Aɣarim (Protection Civile) n waɣir n Bgayet, yedda-d yisalli n uɣraq n yiwet n tmeṭṭut deg teftist n yiẓra deg Bulimaṭ. Tettwawef tmeṭṭut-a i yesɛan azal n 35 n yiseggasen ass n 29 mayyu mettwal 16:36, tzedder deg yilel meqrub rrif. Ad d-nerr awellih d akken ɣef wakken i d-yenna uḥuddu aɣarim, tameṭṭut-a, tella telsa iceṭṭiḍen-is. Ma d tignatin i d-yewwin aɣraq-ines, ur banent ara ar tura. Ɣef waya i yettwaldi yiwen n unadi I wakken ad d-binent tlufa ugar.
M. K.