Faire trembler mes peurs d azwel i as-yefka umyaru Makhlouf Boughareb n udlis-is-nniḍen i d-yeffɣen yakan ɣer tezriginLes Editions de l’Embellie iwumi tga tugna akked tezwart Marie de Coeur. Deg udlis-a, ad naf ameskar snat n talɣiwin n tsekla i wakken ad d-yini ayen i t-iqerḥen, ama dayen yettidir netta, neɣ dayen yettḥulfu ɣef wiyaḍ. Seg usefru ɣer uḍris, seg targit ɣer tilawt, yettawi, yettarra umyaru, i yellan yakan d anaẓur, d amedyaz u d accenay, uqbel ad yedhem annar-agi n tira, deg usentel ɣer gma-s i wakken ad d-yezzi i Lxuf-is, i Lḥebs ur nesɛi tilisa, i Usiref, i ccna, i Aktayen n temẓi, i Tayri-nni, i Tmagit d tmurt, i Lmut…atg. S tutlayt n tefrensist i yesseraqas akken iwata, yessaweḍ umyaru ad yeg assaɣ gar yisefra akked yiḍrisen, ad d yerr taɣuri d azrar am tmacuhut-nni i d-ttawint temɣarin n zik. Ilul Makhlouf Boughareb deg useggas n 1955 deg Wat Yanni. Yura aṭas n tullisin, isefra d yimagraden n tɣamsa, ama d tid n tmurt ama d tid n berra. Yettaru s snat n tutlayin: tamaziɣt d tefrensist. Gar wayen yura nezmer ad d-nader: “Le chant des larmes”, 2010; “Les cygnes de l’aube”, 2011; “L”Enfer un peu”, 2012; “Moi! Errant, vagabond fourbou…”, “Faire trembler mes terreurs”, d wiyaḍ. Am wakken yewwi arraz n Mulud Mɛemmri s tmaziɣt.
M. H.