Lḥed iɛeddan ɣef 00:50 n yiḍ, tewwet yiwet n tnezlezt deg waɣir n Bgayet s tseddart n 3,3 deg sellum n ricter, ɣef leḥsab n yisallen i aɣ-d-yewwḍen sɣur Uḥuddu Aɣarim (Protection Civile) n Bgayet. D ayen iwumi ḥulfan dɣa ula d timnaḍin i as-d-yezzin, am usamar n twilayt-a. Ad d-nesmekti d akken ur d-tegli zzenzla-a s txessart, ddeqs n yimezdaɣ i teṭṭef tuggdi imi kra seg-sen ur uɣalen ɣer yiḍes armi iɛedda wakud seg zzenzla-nni. I useɛlem kan, deg twilayt n Bgayet nnumen yimdanen zznazel timecṭuḥin yal aseggas, ladɣa meqrub mayyu neɣ d ṭuber, imi imir-nni i d-yettili ubeddel deg ugama seg tefsut ɣer unebdu neɣ seg unebdu ɣer tegrest.
M. K.