Tasqamut n taddart n Ait Allaoua, s tallelt n Usqamu aɣerfan aɣiwan (APC) n Iboudraren, tanmehla n Yidles n lwilaya n Tizi Uzzu akked Tenmehla n tfellaḥt n temdint n Tizi Uzzu. Heggan-d tazrigt tis tmanya n tmeɣra n unetrim, ayen iwumi neqqar s tefransist “les cerises”. D ttiɛad adelsan ara d-yilin ass n lhed 16 akked wass n letnayen 17 deg waggur n yulyu i d-iteddun, deg taddart n Ait Allaoua deg tɣiwant n Iboudrarene. D tagnit i yifellaḥen merra n Tizi Uzzu, ladɣa win ixeddmen lɣella-agi n unetrim i usenɛet n sselɛa-nsen i medden. Ama deg wayen yeɛnan leṣnaf yellan n lizriz d taɛeqqayt (aqquran, aberkan…), d usenɛet n yisufar i d-yettwakksen seg-s. Am wakken daɣen ara d-ilint temsikniyin-nniḍen yemgaraden, i usbuɣar n tmeɣra-agi i d-yettuɣalen s urbaḥ n yifellaḥen d uqqeneɛ n yimdanaen s lɣella yelhan.
Adaoun Abdelghani