Yal mi ara d-yaweḍ waggur n Ṛemdan, igellu-d s umur-is n ccwal gar yimdanen γef tγawsiwin ur nesɛi azal meqqren, ara yessiwɣen γer liḥala yecban ti.
Aseggas-a, deg Tubiret, Tikreḍt tettban tɛedda tilas, imi ccwal yellan kan d reffu yenneqlab γer terwihin. Amek ihi, deg yimalas yezrin, deg yiwet n taddart i d-yezgan deg tγiwant n Teγzut, yiwen n urgaz bu settin n yiseggasen deg leɛmer-is yerra lḥedd i tudert n tlata n yimdanen ukkud yecrek aẓar. Tagi d tawacult n gma-s i yessenger, imi yenγa-as mmi-s, yelli-s d tmettut-is s usexdem n tmeghelt. Mi yesseγli tirwihin-a, yeṭṭef abrid metwal tiẓgi anda yeffer. Ɣef leḥsab n yisallen i nesɛa ar ass-a, amdan-a mazal ur d-iban ara anda yessedreg iman-is. Mi akken yekker uhetwir deg taddart, yal wa yeqqar-as waqila yebγa ad ineγ wiyaḍ uqbel ad d-yuγal. Ass n lexmis tasebhit, lawan n 11h, neḥder daγ i yiwet n tedyant anda yiwen n yilemẓi yesɛan azal n 30 n yiseggasen deg leɛmer-is, yeslek seg lmut taḥeqqanit mi akken yennuγ d yiwen-nniden. Tadyant-a, daγ teḍra-d sdat n uγerbaz alemmas Haddouche Said n temdint n Tubiret mi akken sin n yilmeẓyen, ttemxasamen gar-asen s wawal almi, qqen tiṭ teldid-tt, tenneqlab tegnawt yiwen yebda yekkat axsim-is s lmus anda i t-ihḥuza deg waṭas n yimekwan deg tfekka-s. Amzun akken ur yessasmeḍ ara tasa-s, yemme&gamma,; yeddem-d yiwet n tehrawt n wuzzal i wakken ad as-yesmed tiyita, dγa winna ineggez yerwel γer daxel n uγerbaz anda yessutur lemneɛ. Axsim-is, yedda-tt deffir-s, ulamma yufan daxel iγallen n laman meɛna qqnent wallen-is, yebγa ad t-ineγ. Din i d-skecmen iman-nsen yimesulta, selken-d ilemẓi-nni seg lmut mi γedlen axsim-is. Din din, usan-d yimesulta-nniden akked yiγallen n usellek anda ldin yiwen n rrabul n unadi i wakken ad d-beyynen tamentilt yessawḍen sin n yilmeẓyen-a ad mmenγen gar-asen. Win akken yeγlin, uqbel ad t-awin γer sbitar yenna-d dakken wagi i d-yusan i wakken ad t-ine&gamma,; mačči d aberrani fell-as, imi d acrik-is n lxedma, sɛan yiwen n ukamyun xeddmen yis-s.
M. Smail