Yemmlal ussan-agi iɛeddan uneɣlaf n tmerrit d tẓuri, Mass Hacène Mermouri akked kra n yiɛeggalen n Usqamu unnig n timmuzɣa i ɣef yella d aqerru Mass Assad. Deg temlilit-ag i d-yeḍran deg Uɣlif n tmerrit d tẓuri, yella-d wawal ɣef wahil ara yesdukklen snat n tamiwin-agi i usnerni d tneflit n tutlayt tamaziɣt, ɣef wakken i yella deg tmendawt, ladɣa deg umagrad wis rebɛa i d-yeqqaren : Tamaziɣt d tutlayt taɣelnawt d tunṣibt u ad texdem dduwla ayen iwulmen i wakken ad tt-tessenfel seg yal tama deg wakal aɣelnaw. Akka i d-yella umtawa ɣef uheggi i wussan imezwura n tmedyazt tamaziɣt deg Illizi seg 20 ar 24 tuber 2017 ara d-yasen akked tulya n tsemhut n tmerrit deg unẓul ameqqran. Mtafaqent, diɣ, snat n tamiwin-a ɣef unekcum n tmaziɣt deg usileɣ n yimnar n tmerrit. Am wakken i mmsefhamen ad kemmlen tira n tmaziɣt s tfinaɣ s ufella n yal tasudut n tmurt. Ahil n useqdec n yirmuden-a, ad d-yelli sya d afella gar Uɣlif n tmerrit d tẓuri akked Usqamu unnig n timmuzɣa.
H. M.