Yir lḥala i deg-i yella unnar aqdim n ddabex

Partager

Ma yella uɛeṭtel deg waṭas n yisenfaren deg yiḥricen yemxalafen n lebni deg uqbu icud ɣer lixsas n tedrimt d leɣla n selɛa, maca aɛeṭṭel n usenfar n useggem n unnar n ddabex uḍar n tɣiwant n Uqbu dayen-nniḍen. 16 n yiseggasen n uraju, u mazal.

Mbaɛd imi ḥebsen lecɣalat deg-s s sebba n uḥebbus n tkubbanit i d-yelhan s useggem-is. Xas akken uɣalen-d lecɣalat n useggem-s di tuber 2008, seld imi I as-fkan yiɛeggalen n Usqamu tadrimet i as-ilaqen i wakken ad ikemmel useggem-ines, maca ar ass-a kulec yeḥbes, ma zik sebba-s, d le blocage i d-yellan deg tɣiwant, segmi i d-yella beṭṭu ger lmir d yiɛeggalen n tama taxsimt deg yiseggasen iɛeddan.

Ma d tura, ur neẓri d acu i d sseba,win testeqsaḍ deg yimḍebbren n tɣiwant la ak-yeqqar ur zriɣ ara!. Aya dayen i d-yeglan s lemḍerra i waddal di tiɣiwant s umata, yeǧǧa inaddalen d ttrebuyaɛ n ddabex uḍar n tɣiwant yemxalafen, ur ttafen ara amkan i deg ara heggin iman-nsen i temliliyin i ten- yettraǧun di talɣuɣiyin timniḍiyin ideg ttekkin.

B.ben

Partager