Asenfaṛ n tɣeṛɣaṛt n waddalen (salle des sports) deg uqaṛṛu n tɣiwant n Ceṛfa ( 45 kms ɣef Tubiṛett) mazal uṛ yekfi aṛa. Ɣas akken, lebni-ines yebda deg useggas n 2012 (maca adɣaɣ amezwaṛu ires deg yulyu 2011) uṛ ɛad yeṣṣiweḍ aṛ tagaṛa-ines. Aṭaṣ n-umeslay yuzel ɣef usenfaṛ-agi, yeǧǧan inaddalen deg fad ! Yuɣ lḥal, yella lixṣaṣ muqṛen ɣef ayen yaɛnan annaṛen n waddal deg tɣiwant-agi n Ceṛfa. Addal dagi, yesɛa azal muqṛen, imi aṭaṣ n yilmeẓyen ṭṭafaṛen myal addal, ama d ddabex, neɣ addalen nniḍen am le karaté le kung fu, d wiyaḍ…Ɣef akken n wala, axeddim deg t’ɣeṛɣeṛt-agi n waddalen ittedu am tikli n-inisi ! Mači d-ayen yessefṛaḥen ! ɛla ḥsab tikli-agi, izmeṛ lḥal uṛ keffun aṛa lecɣal dges, alaṛmi « d-aseggas id d-iteddun ».! Yella weɣbel nniḍen. Wagi yaɛna amkan anda i bennun tiɣeṛɣaṛt-agi. Tagi, tezga-d deg yiwen wemkan zzin-d fella-s yexxamen. Yeṛna, sya d-asawen imezdaɣen, ahat, ad ṛfun neɣ ad cetkin ɣef dwas lakked laɛyaḍ aṛ ad-yilin deg t’ɣeṛɣaṛt-agi. « Ɣas akken d-asenfaṛ yelhan, maca, mači d-deg amkan ameggaz ittbennun ! Awah a rebbi lukan i tebɛad ɣef tmezduɣin, acku aṭaṣ n lɣaci aṛ ad-yilin deg tɣeṛɣaṛt-agi, geṛ inaddalen akk d-imeshanayen (spectateurs). Wigi, ad seṛḥen i yigeṛǧumen nsen s laɛyaḍ, mači d-ayen igeṛzen! » Yennay-aɣ-d yiwen umezdaɣ. Nessaqsa yiwen u naddal, ittuṛaṛen « le karaté », ɣef ayen yaɛnan tiɣeṛɣaṛt-agi, iɛeṭlen iwakken attekfu, yennad ula d netta : » D tidett, asenfaṛ-agi yewwi aṭaṣ n wakud. Ilaq ad y-ili yekfa ilindi kan, aqla-k-id tettwali-ḍ, mazal uṛ ɛad yewwiḍ aṛ ttnaṣfa ! Ayagi yeǧǧa-y-aɣ nenuɣna. Nekni n xeddem adal nneɣ deg yiwwet n tɣeṛɣaṛt uṛ nesliḥ aṛa i waddal ! ». Akka ihi, asenfaṛ-agi yeǧǧa inaddalen fuden, ttṛajun melmi ad yekfu, iwakken ad uṛaṛen deg tiɣeṛɣaṛt n tidett !
Syphax.Y