Ɣas ma lexsas n tedrimt d ugur amatu n waṭas n tdukkliwin, maca mazal iɛeggalen n tdukkla Tiɣri deg Ayt Smaɛel ttekkaren s lebɣi, qeddcen s wayen iwumi zemren i lfayda i yimdanen at asrayen uzzigen. I lmend dɣa n wass agraɣlan n yimeɛḍar, i d-yettuɣalen yal 3 deg duǧember n yal aseggas, thegga-d tdukkla-a ahil d amerkanti ussan n 7 d 8 iɛeddan s tirza ɣer kra n yixxamen n yimeɛḍar d yimuḍan, deg teɣlamt n temsetlelt (caravane de solidarité) i yewwin isem n warmud-a. Ass n amhad dɣa, tella-d temsikkent deg tneɣrit tuzzigt n warrac at asrayen uzzigen. Azekka-nni deg teɣlamt, ddeqs n tɣawsiwin d dduzan i d-yettawaheggan i 12 n twaculin merra merra. Gar wayen i yettnunefken, tella tkuzint, tamacint n tarda, kra n tgella, ticeryulin d tɣawsiwin n tezdeg. S wakka i teqfel tdukkla Tiɣri ahil-is n useggas-a s wuẓi n kra n tumert deg wulawen.
M. K.