Inuda Briruc γef tala ar mi i tt-yufa. Yenna-as: “ a tala, yya ad tsexsiḍ timest, timest tegumma ad tesseṛγ adebbuz, adebbuz igumma ad yesṛeɛ uccay, uccay yegumma ad yečč uccen, uccen yegumma ad yečč tizimert, tizimert tegumma ad teddu s axxam, Bṛiṛuc enγa-t uṣemmiḍ”. Tenna-as tala: “Ur n-ttaseγ ara ad ssexsiγ times. Ur tufiḍ i yi-texdem.” Yenna-as Briruc: “yya neγ ad as-d-ssiwleɣ i tfunast!”. Tenna-as tala:” Sswiel-as-d.” Inuda Briruc γef tfunast, yufa-tt. Yenna-as :” A tafunast, yya ad tesweḍ tala, tala tegumma ad tessexsi times, , times tegumma ad tesserγ adebbuz, adebbuz yegumma ad yesreɛ uccay, uccay yegumma ad yečč uccen, uccen yegumma ad yečč tizimert, tizimert tegumma ad teddu s axxam, Briruc yenγa-t uṣemmiḍ”. Tenna-as tfunast: “Ur tufiḍ i yi-texdem tala akken ad tt-sekfeγ”. Yenna-as Briruc: “yya neγ ad aswwiwleɣ i tefrut”. Tenna-as tfunast:”Ssiwel-asas-d”. Inuda Briruc γef tefrut yufa-tt. Yenna-as: “ A tafrut, yya ad tezluḍ tafunast, tafunast tegumma ad tesew tala, tala tegumma ad tessexsi times, times tegumma ad tesserγ adebbuz, adebbuz yegumma ad yesreɛ uccay, uccay yegumma ad yečč uccen, uccen yegumma ad yečč tizimert, tizimert tegumma ad teddu s axxam, Briruc yenγa-t uṣemmiḍ”. Tafrut tenna-as: “Ur tufiḍ i yi-texdem tfunast akken ad tezluγ”. Yenna-as Briruc: “yya neγ ad as d-ssiwleɣ i ugeccul(lkir n uḥeddad)”. Tenna-as tefrut: “A-t-an ubrid, ssiwel-as-d”. Inuda Briruc ɣef ugeccul, yufa-t. Yenna-as: “ Ay ageccul, yya ad tessefsiḍ tafrut, tafrut tegumma ad tezlud tafunast, tafunast tegumma ad tessew tala, , tala tegumma ad tessexsi times, times tegumma ad tesserγ adebbuz, adebbuz yegumma ad yesreɛ uccay, uccay yegumma ad yečč uccen, uccen yegumma ad yečč tizimert, tizimert tegumma ad teddu s axxam, Briruc yenγa-t uṣemmiḍ”. Yenna-as ugeccul: “Ur n-ttaseγ ara, ulac d acu i yi-texdem.”…Tettkemmil
Seg tgemmi n teqbaylit