Sdat n tmerna deg leswami n usɣer s wazal n 80% ɣer 90%, tuget n wid yesseqdacen aṭas asafar-agi n usɣer, ladɣa les menuisiers, ḥebsen lxedma deg yisekwan-nsen deg tɣiwant n At Zmenzar, taɣiwant i d-yezgan deg wunzul n temdint n Tizi-Uzzu, i ibeɛden s wazal n 11 n yikilumitren ɣef tlemmast n temdint, dayen i aɣ-d-wekkden kra n yimɛelmen n yisekwan. Taɣiwant n At Zmenzer yasɛan ugar n 100 n yisakwan (ateliers) i d-ixelqen aṭas n yimukan n lexadma deg temḍiqt- agi, seld n tmerna deg leswami n usafer agejdan n usɣer, tufa-d iman-is gar ẓzebra d ufḍis, imi deg waguren-agi iɛdan aṭas gar- asen i iɣelqen isakwan-nsen. Aya, iḥuza ula d ixeddameni d-yufan iman- nsen mebla lxedma. Dayen iḥuzan, diɣ, imezdaɣ s sebba n tmerna deg yal taɣawsa yettwaxedmen s usɣer, dɣa summa n lkadra n ṭṭaq yellan yeswa deg tazwara n useggas 4500 DA, ass-a yewweḍ ɣer 8500 DA, timerna n usɣer yella s wazal muqqren, dɣa asɣer yellan 8000 DA i M3 yuɣal la yettnuz s 15000 DA i M3. Tlul-d taluf-agi seld leblan ddmen yimeḍbbren n tmurt n Lezzayer yeɛnan aneḥbus ɣef umaktar n wazal n 1000 n yisufar i d-tettawi tmurt seg tmura n lbara-ni, aya dayen iɛeggben aṭas n yiḥricen deg tdamsa n tmurt n Lezzayer.
A. Z.