Lebni n 76 n yidigan n tenzuyt, d yiwen gar yisenfar i seg-i d-tesfaydi tɣiwant n Lemɛatqa yettujerden deg wahil n uselway n tmurt, yeɛnan lebni n 100 n yidigan n tenzuyt di yal Taɣiwant. Yella-d usenfar- i uxlaq n yimeḍqan n lxedma anda ara d-sfaydin yilmeẓyen n temḍiqt-agi yenḥafen deg unegmu n yal aḥri. Maca, ar ass-a, urɛad ttunefken yidigan-agi, ɣas ma ugar n 4 n yiseggasen segmi kfan s lexedm. D ayen i d-yessekkren lɣiḍ meqqren ɣer yilmeẓyen yessersen i karamen-nsen i wakken ad ten-id-isaḥ udigan ideg ara xedmen. Idigan-agi n tenzuyt, ha-ten-an deg yir liḥala imi ur ttwesmersen ara. Dɣa, tiɣri n yilmeẓyen n tɣiwant n Lemɛatqa i yemḍebbren, teɛna temsalt-agi n ufraq n yidigan i lfayda n yimezdaɣ.
Ali Zalouk