Iqjan imenṭaren, d yiwen uɣbel ameqqran i d-ttmagaren yimezdaɣ n tɣiwant n Uɣrib, ladɣa widak yettidiren deg tlemmast n tɣiwant iwumi qqaren Agni Ucerqi. Aɣbel-a n yiqjan imenṭaren yeččuren tamdint, yettzad umḍan-nsenn seg useggas ɣer wayeḍ, yerna ddawaren d tirebbuyaɛ timeqqranin deg tlemmast n tɣiwant akken i asen-yehwa mebla akukru. D ayen yesnrnayen deg tugdi ɣef tdawsa n yimezdaɣ n tɣiwant. Deg tegnit yecban-tagi, yewwi-d ɣef srabes teɛna temsalt, ad d-afen tifrat i uɣbel-agi, imi aya, yezmer ad d-yeglu s yibaxixen i tudert n yimdanen ileḥḥun deg temḍiqt-agi, ladɣa inelmaden n yiɣerbazen. Yezmer, diɣ, wugur- agi, ad d-yeglu s kra n waṭṭanen, imi tirebbuyaɛ n yiqjan-agi, ttidirent seg ugudu n temḍiqt-agi, ula d tussḍa n yiqjan, zemren ad d-teglu s lemḍera ɣef tdawsa d tudert n yimdanen. Tiɣri n yimezdaɣ n tɣiwant n Uɣrib i yimḍebren, terza tamsalt n tifin n tifrat i wugur n yiqjan-agi imenṭaren.
Ali Zalouk