Ad d-tili tezrigt n useggas-agi taggara n waggur n furar, imi deg yiseggasen yezrin tettili-d ddima deg taggara n waggur n duǧember. Wid iḥemmlen ssinima neɣ isura, tikkelt-agi, ad qqimen alamma d ass-n ssebt, 24 deg furar 2018, i wakken ad ẓren tullya tunṣibt n tezrigt tis 16 n tfaska tadelsant taɣelnawt n usaru amaziɣ deg uxxam n umezgun amniḍan Kateb Yacine n temdint n Tizi Uzzu. Maca, ar tura ur d-wwiḍen ara waṭas n yisallen sɣur yidisan n yidles, mazal ur d-iban ara iwumi ara tuɣal tejmilt n useggas-agi, mazal ur d-iban ara wahil unsib n tfaska-agi. Yetturaǧu ad yili deg wahil n tezrigt-agi tis 16, aṭas n leqdicat idelsanen ara d-yilin, gar usenɛet n yisura, isaragen ɣef ssinima, timsikniyin, isikwan…atg. Ad d-nesmekti kan belli, ass-nni n lḥed, 31 deg waggur n duǧember 2017, i d azemz aneggaru n usersi n yisura ara yettekkin deg temsizzelt n useggas-agi.
A. A.