Ibardan n Lwilaya n Tizi-Wezzu, dren ussan-agi yezrin krad n laksidat n yibardan id-yeglan s tmettant n 03 n yemdanen. Yiwen ilemẓi n temnaḍt n Mεetqa, tis snat d yiwet n temγart n taddert n Cεufa taγiwant n Meqlaε,; tayeḍ d yiwet n tlemẓit n temnaḍt n Draε Ben Xedda. Krad (03) n Taγtestin-agi (victimes), ttewten-t s ṭumubilat deg yimeḍqan yemgaraden.
Asehwa (accident) amenzu, yeḍra-d tassebḥit n wass n Ljemεa 05 furar 2010 deg webrid aγelnaw wis 12 deg temnaḍt n Cεufa taγiwant n Meqlaε anda yiwet n ṭumubil Runu klyu tewwet yiwet n temγart i yesεan 72 issegasen di leεmar-is, temmut deg wemḍiq. Ma yella d asehwa wis sin yeḍra-d ass n Ssebt yezrin 06 furar2010, deg webrid aγelnaw wis 12, deg wemḍiq uneḥbus n ṭumubilat id-yettasen di Lzzayer tamanaγt, di temnaḍt n Draε Ben Xedda, anda yiwet n ṭumubil Mersides tewwet yiwet n tlemẓit yesεan 22 issegasen di laεmer-is, tezdaγ deg temdint n Draε Ben Xedda, temmut di sbiṭar kra n tsaεtin γef waggaḍ-is. Asehwa wis krad(03) d yiwen ilemẓi yesεan 22 issegasen di leεmar-is, n temnaḍt n Suq Letnayen, dayra n Mεetqa, tewwet-it ṭumubil tegla-d s lmut-is ula d-netta. Tikli s laεqel d lγerḍ telha. Ḥarbet γef terwiḥin-nwen d-terwiḥin n wiyaḍ. Aḥezzeb yugar leqḍaε
Islam Bessaci