Ilmend n usmekti n wass agraɣlan n tutlayt tayemmati d-yettasen di 21 di furar.Tidukla tamaziɣt Numidiya i qedcen di temdint n wehran, tessudes-d’’Ass uselmed n teqbaylit’’ ass-nni n lǧemɛa s yiwen n leqdic d amerkanti.timlilit-agi rran-tt imḍebren n tdukla ;ad tili d tajmilt i le professeur n tesnilest kamal nayt zerrad, imi netta d yiwen ger Yimezwura I yebdan yeslemden tamaziɣt deg uxxam n tdukla numidiya deg temdint n wehran uqbel ad iruḥ ɣer tmurt lalman:’’d kama luẓerrad I aɣ-yeslemden akk s yiɛeggalen n tdukla n numidiya tira n tmaziɣt, asmi yella yeslmad deg yiseggasen nni n 90 di tesdawit n wehran, yettas-d akka ɣer uxxam n tdukla yettelḥaq-d timsirin n tira timeddiyin n wass ’’ i aɣ -d yenna Ǧamal Benɛuf d aɛeggal tdukla. Ilmend n tejmilt-agi:yebda leqdic s ɣef 09h00:yella-d yiwen n usarag i d- yefka Ǧamal Benɛuf ɣef liḥala deg tettidir tutlayt n tmaziɣt ass-a,syin akin llant-d kra n temsirin n tira’’agemmay d tseftit” i wid werǧin lemden tamaziɣt,sɣur Saliḥa ben meryem akk d ǧamal benɛuf
Tameddit,ikemmel leqdic s yiwet n Upirat (opérette) “Taweṭṭuft d werǧeǧǧi” i d-turar talilt igerdan “Ameẓyan Mhenni” – aḍris d tririt s asayes: Ǧamal Benɛuf. Ɣef 17h00 d : -Taɣuri n usefru “Akli aweqqas” n Sɛid At Mɛemmer, ideg yerra tajmilt i Kamal Uẓerrad.
-Taɣuri usefru “Amzun d iṭij i d-yecreq” n Dda Ɛebdella Ḥaman, ideg yerra tajmilt i Dda Lmulud At Mɛemmer. Yekfa leqdic s wawal i d-yellan ɣef yimahalen n lmulud at Mɛemmer, d leqdic n kamal Uẓerrad. Ɣer taggara d Tikci ugerdas n yiseɣ “Kamal Uẓerrad” i Ṣaliḥa Ben Meryem, imi d nettat i d taselmadt tamenzut i yesslmaden tamaziɣt/taqbaylit, di tudert-is ala 13 n yiseggasen!.
Afud igerzen i tdukla n numidiya n yimaziɣen n wehran.
B.Benhamouche