Am yal aseggas deg tefsut, yettili-d deg tɣiwant n Tifra, tadayra n Sidi Ɛic, yiwen n warmud i yuɣalen tura d lɛada, ttraǧun-t akk yimezdaɣ n temnaḍt-nni. D ayen icudden dɣa ɣer tfaska n Uderyis i d-tettheggi tdukkla Itri n Yiburayen yal ayyur n meɣres. I lmend dɣa n teẓrigt tis sa, ara yemmaggen deg kra n yimalasen kan, d yiwet gar tgejda n tezlit tazwawt iwumi ara tuɣal tejmilt: wa d Ɛetmani. Ɣef wakken i d-tenna teɣbalut-nneɣ, ad tili teẓrigt-a s ssifa-s weḥd-s ideg ara ḥeḍren waṭas n yinaẓuren i yebɣan ula d nutni ad rren si tama-nsen tajmilt i bab n tezlit « I Umaziɣ ». Ulamma s lexsas n wallalen, ladɣa ugur n tedrimt i d-yeḍḥan d anezgum ageɛmir n tddukkliwin merra, ɛewwlen yiɛeggalen n tdukkla Itri n Yiburagen, ad sɛeddin ttiɛad-a akken ilaq lḥal, am yal tikkelt.
M. K.