Imezdaɣ n taddart n smina, rfan ɣef yimḍebbren n tɣiwant imi sɛan lexsas meqqren deg ubrid i yettawin ɣer taddart ladɣa deg wussan-a n ccetwa anda imezdaɣ rewwun lḥif acku abrid yeččur d aluḍ akked yixemǧǧan. Ɛlaḥsab yiwen seg yimezdaɣ n taddart-a “L.Z” yenna-d: « nerwa lḥif n ubrid acḥal aya, ladɣa deg wussan n ugeffur anda abrid yesleɣ s wakal ur nezmir ad nelḥu ama ɣef uḍar ama ɣef tkeryas, yessaweḍ lḥal ula mi ara d-yeɣli umuḍin neɣ lǧanaza imdanen i d-yettasen yeṭṭef-iten lḥir ɣef liḥala iɣer yewweḍ ubrid-a.» Rnu ɣer wannect-a, ssebba n lexsara n ubrid-a yella-d s usɛeddi n iqalusen n waman akked lgaz anda taɣiwant ur as-tɛawed ara ar tura . Rnu ɣer waya sɛan daɣen ugur n tilifun n lxiḍ acku ttwalin d allal s wayes ara d-skecmen l’internet.Ihi s wakka i d-gren tiɣri i yimḍebbren n tɣiwant i wakken ad d-afen tifrat i wuguren-a gren s lɛejlan.
Bousbaine.S
At-Ziki Lexṣas n tkebbaniyin n lebni
Labaεda imi d-tesfaydi tγiwant n At-Zikki s lebni n yiwen n usenfar s wazal-is icuden γer waḥric n tmezda&gamma,; wagi d lebni n 50 n tmezdaγ ṣenf n tmetti, deg wemḍiq iwmi qaren Carrière di temdint n At-Zikki, i usenqes n taεkkemt d faru n wuggur n tmezdaγ di temnaḍt-agi. Dγa imḍebren taεna temsalt sawlen deg seggas yezrin 2013 i tkebbaniyin n baylek akken ad-qarbent, i usbedi n tkebbanit ara-yeṭfen lxedma usenfar-agi, maca ar tura ulac takebbanit id-yerranb i teγri. Dayen i izemren ad-yeglu s laεḍil meqren di lebni n tmezdaγ-agi, imi lqanun yewwi-d akken ad-bedent xarṣum 03 n tkebaniyin, syen ad-yili uεeggen n tin ara yawwin lebni usenfar-agi s wudem unṣib.Γef aya, imḍebren n tγiwant n At-Zikki gren-d tiγri u sutren di tkebbaniyin lebni akken ad-arrent i teγri, ilebni n 50 tmezdaγ-agi, ifaru n tezγunt d wugguren n tmezdaγ di temnaḍt At-Zikki.
Islam Bessaci
Wizgan Ugur n webrid uzaγar
Abrid n uzaγar icuden ger tγiwant n Wizgan d tama n Bubhir yetabaεen taγiwant n Yillulen Umalu, yettidir uggur meqren deg ass-mi ideg yeldi aseggas n 2008 ar ass-a, sebba lexṣas n teplakin uwellah (Plaque de signalisation), imi abrid-agi ttawint aṭas n yemsebriden n temnaḍin yemgaraden, xarṣum imezdaγ n bgayet, imi abrid-agi ur-yezzi ara, yeqreb i uεeddi, icud ger Wizgan srid γer Tizi-Wezzu.Imsebriden ttafen-d yal ass ugguren meqren, imi abrid-agi yuεar i uεeddi xarṣum wid ur t-ssinen-ara, sebba imi gten aṭas n les virages yerna deyqen, dayen id-igellun s waṭas n twuγa ibardan acḥal d tikkelt.Akken daγen i ttcetkin yemsebriden yettawin abrid-agi uzaγar, γef lexṣas usefreg i tqendart n wasif uzaγar, imi acḥal d yiwen i yeflen γer s daxel-is, u dayen i izemren ad-yeglu s lexṣara di tarwiḥin n yemdanen.Γef aya imsebriden-agi suturen deg yemḍebren taεna temsalt, γef qaru-s tamahla n uṣiweḍ n lwilaya n Tiz-Wezzu akken ad-gren imman-nsen γef zik lḥal, i usbedi n teplakin uwellah (plaque de signalisation) i uḥareb γef tarwiḥin n yemdanen.
I. B.