Taggara n temsizzelt n yilemẓi ifazen

Partager

Mazal ttkemilen leqdicat n tddukkliwin deg unnar. Tikkelt-agi, d yiwet n temsizzelt i d-yellan, ddurt iɛeddan , deg Uxxam n yilmeẓyen n tɣiwant n Wagennun. Gar tddudkliwin tidelsanin itterkkin, ad d-nebder Tiddukkla Tazazrayt n Tamda, Tiddukkla Tamussni n Wagennun , Tiddukkla Imnar Afir, aɣerbaz alemmas Boussad Mohamed . Tebda temsizzelt si 9 n tsebḥit, tedda armi d 17 n tmeddit , anda yal tiddukkla, tesbeggen-d tizeɣwa i tesɛa : aẓawa atrar akked caɛbi , amezgun , ccna , asuneɣ , imuhal n ufus , amezgun n warrac imectaḥ akked tsenselkimt. D tiddukkla tadelsant Tazazrayt n Tamda i d-iḥellan amḍiq amezwaru di tzeɣwa n uẓawan atrar, caɛbi akked umezgun. Ma d tazeqqa n ccna, ḥellan-d amḍiq wis ssin. Deg tzeqqa n usuneɣ yewwi-d yilemẓi Ousmail Koceila amḍiq wis ssin. I usmekti kan, tiddukkla-agi, tebda leqdic 3 n iseggasen-aya . Deg taggara, ttwafranent-d tddukkliwin ara ittekkin di temsizzelt tis snat ara d-yilin di kra n wussan i d-iteddun.

Yamani Souhila

Partager