I lmend n wass agraɣlan n umezgun i d-yettilin yal 27 deg meɣres , thegga-d Tenmehla n yidles n Tizi uzzu i yiwen n wahil deg Uxxam n umezgun Kateb Yacine. Yeḍra-d, deg usfugel-agi, yiwen n usarag anda i d-wwin ameslay ɣef umezgun d wazal i yesɛa deg usegmi n tmetti, sɣur Mass Brahim Chergui akked Mass Nordine Ait Slimane, am wakken daɣen i ttunefkent tkerḍiwin n umahil i yinaẓuren akked warrazen i wid i d-yuffraren deg temsizzelt taɣelnawt n umezgun s tutlayt n tmaziɣt, i d-yellan di temdint n Tbatent. Ttunefken warrazen akka: Mass Amrane Salem, yewwi arraz n uḍris n tmezgunt “Mmet ihi “, Mass Hadbi Massinissa : arraz n usali n tmezgunt
Y. S.