I lmend n usmekti s wass amaḍlan n udlis akked yizerfan n umeskar, i d-yettilin yal aseggas deg 23 yebrir, tella-d deg Temkerḍit tagejdant n tɣuri taɣerfant n lwilaya n Tizi Uzzu tesfugla i d-tsuddes Tenmehla n yidles n lwilaya-agi, ass-nni n letnayen 23 yebrir 2018. D timlilit ideg rran tajmilt tameqqrant i tmarut Djouher Ahmis, i iqedcen aṭas deg taɣult n usedwel, azal n 70 n yiseggasen netta nettak-d ayen iwumi tezmer deg uḥric n usegmi deg tmurt-nneɣ. Ma d tira n tsekla, tebda-tt deg useggas n 1983, seg wasmi teffeɣ ɣer tesɣimt. Ma d ahil n wass, yella-d akka; ɣef 10h00 n ssbeḥ, yella-d usarag ameẓyan s ṣṣenf n table ronde ɣef usentel-agi: “Tasekla akked yidles amaziɣ”. Ideg i d-meslayen yimsirigen-agi; Djamal Foughali, Youcef Merrahi, Amine Zaoui, Dourari Abdelkader…atg. Ma deg umḍiq n yigerdan, yella-d seg 12h00 d tasawent, usnulfu n yiwen udlis ameẓyan i lfayda n yigerdan imecṭaḥ. Ɣef 14h00 n tmeddit, yella-d uskan n usaru “Nna Lǧuḥer, tameṭṭut yettwanfan”. Am wakken daɣen i d-tella temsikent n usenzu n yidlisen sɣur kra n tezrigin akked yisenza s yibuddan sɣur kra n yimura.
A. A