Ddurt iɛeddan, i d-tberreḥ-d tneɣlaft n ttrebga Massa Nouria Benghebrit d akken ad tili temsizzelt n yiselmaden n uswir amezwaru. Ajerred, ad yili s ttawil n internet, yebdan ass n 2-05-2018. Yewwi-d ɣef yiselmaden, ad jerrden atekki-nsen deg tensa n temsizzelt, syin ad sersen lezmam-nsen deg yiɣerbazen i d asen-fkan deg tensa-nni. Ilaq ɣef yiselmaden, ad awin yid-sen : -Ajerred i d-suffɣen si tensa n temsizzelt, agerdas n turagt neɣ nig n turagt, tizmilin umecwar-nsen di tesdawit, snat n tewlafin, asuter yettwarun i temsizzelt, takerḍa n tummast, tawriqt ara d-yesbanen addad n lɛeskar ( tagi i yirgazen kan ) akked tjellabt deg-s tansa. Ad tili temsizzelt ass n 12-06-2018. Ma yella d amḍan n yimukan i d-yettunefken i tutlayt n tmaziɣt, ad ten-naf akka : Tizi uzzu :06 n yimukan, Bgayet : 10, Tubiret : 02, Bumerdas : 36, Tabatent : 09, Ɛin timucent : 30, Blida : 08, Lzayer tamanaɣt : 21…
S.Yamani