Deg ddurt-a, snat n tzeɣwin n wid i d-bedden i tefranin n tselweyt n 9 deg yibrir 2009 ay sserɣen deg tɣiwant n Ssuq-Letnin deg twilayt n Bgayet. Tamezwarut i yerɣan d tazeqqa n Mass Abdelaziz Bouteflika, tis snat d tin n Massa Louiza Hanoune. Γer yimezdaɣ,; yettezzi wawal ɣef tzeɣwin-nniḍen. La d-qqaren ula d tiyaḍ ad tent-rnun. Anwi ? yiwen ur yeẓri! Yal wa d acu i d-yenna, llan wid d-yeqqaren d leɛruc i tent-yesruɣen. Mohamed, yiwen n umezdaɣ n Ssuq-Letnin, yenna : « ur ḥsiɣ d leɛruc. Ufrinen n leɛruc d wid yekkin ɣer lemcawrat yellan gar-asen d lḥukuma. Ur ẓriɣ ara ma llan wiyaḍ. » Qqaren-d daɣen ikabaren ur nekki ɣer tefranin i yellan deffir waya. Llan wid d-yeqqaren, d tisit i izaden i kra warrac n tɣiwant, bɣan ad necraḥen, ufan anda. Lḥasun, wis anda-tt tidet, wis anda-t lekdeb; ma d tizeɣwin rɣant! Ar tura ɣer wid teɛna temsalt, ipulisen, tasestant mazal tettkemmil, la d-qqaren yiwen ur yezmir ad d-yini d wa neɣ d wa ma yella ur tfuk ara.
D. I