Yeḥkem uxxam n ccreɛ n Wehran s lmut ɣef yilemẓi n 22 n yiseggasen d umɛawen-is i yenɣan yiwet n teqcict iwumi qqaren Salsabil, ussan yezrin. Teḍra tedyant deg yiɣrem n Lyasmin 2, mbeɛd mi yukren taqcict-a deg ubrid, syin wwin-tt ɣer yiwet n tnezduɣt tilemt deg wannag (étage) wis tlata, ḍegren-tt-id d akessar seld mi gan tigawt ur iqebbel wakti, mbeɛd mi tɛeddan fell-as. Kra n wussan kan deg unadi i xedmen yimsulta, ttwaṭṭfen-d sin-a. Ussan yezrin i d-yella fell-asen leḥkem s leɛdem deg teɣdemt n Wehran. Ad d-nesmekti belli tukerḍa n warrac, d tigawt yuɣalen d tannumi i yeṭṭuqten di twilayt n Wehran iseggasen-a ineggura. Uɣalen ula d imawlan, ttagaden ad serrḥen i dderya-nsen weḥd-sen. Ma d timental mačči d yiwet. Ɣef waya i d-yewwi, ad yili usaḍuf ɣef wid ikeccmen di texnanasin-a akken ara tekfu tukerḍa n warrac wa ad d-ters talwit di tlemmast n yimawlan.
Kh. A.