Deg wayyuren yezrin, tedder tdayra n Xeṛṛaṭa ussan n tugdi d tteqlaq, imi i d-ffɣen yisallen d akken llan yimakaren deg kra n lejwamaε-nsen. Imezdaɣ n temnaḍt-a, qqaren belli di tazwara imukar-a ttlusun tiqendyar n tullas, teffren udmawen-nsen, amzun d tameṭṭut s ujelbab. Ayagi, ssxedmen-t i wakken ad kecmen gar lxalat, ad akren ayen sεant. Ma yella d tamsalt i yeǧǧan imḍebbren n ljamaε-a ad ssutren timεiwna sɣur iɣallen n laman n tɣiwant n Xeṛṛata, d idrimen i yettwakkren seg tṣenduqt n ssadaqa n ljamaε-nni. Aya imi ṭṭfen yakan sin n yimdanen εerrḍen ad akren idrimen n tṣenduqt-a. Iqeddacen n yiɣallen n laman, seld mi ẓṛan, ṣṣawḍen deg tekcumi-nsen ad ṭṭfen sin n yimakaren-nni i yesεan gar 18 d 20 n yiseggasen di leεmer. Ineggura-a, ad ttwaḥasben ɣef wayen xeddmen. Akken qqaren at zik ‘’yal yiwen ad yaf ayen yeẓẓa’’. Yerna, ayagi ad yili d amedya, d tamsirt i wid-nniḍen.
K. K.