Win yellan d amuḍin, seg lhem n lehlak, yernu-as lmeḥna n uraju akked yir axeddim di sbiṭar n Xeṛṛaṭa. Xas ma yella sbiṭar-a d ameqqṛan, yerna yezdi tadayra n Xeṛṛaṭa d tin n yiderginen, maca txus deg-s mliḥ tuddsa. D ayen i yeǧǧan imuḍan d yimawlan-nsen, ttcektin seg yir liḥala n sbiṭaṛ-a. Ma yella nemmeslay-d ɣef tzeqqa n teṣlaḍt (les analyses), ur tettunefk ara tegnit i yimuḍan i usteεfu, acku ula d tazeqqa n uraju ur tnuḥ ara. Ula d imɣaṛen, ulac win asen-igen leḥsab, ladɣa deg teswiεt-a n uṣemmiḍ, anda i ttuḥettmen ad qqimen s ibeddi ugar n usrag, yerna i ssem n uṣemmiḍ. Rnu ɣef waya, aqeddic di sbiṭaṛ-a, ixus nezzeh, imi llan wid yestehzayen deg uxeddim-nsen, armi ula d amuḍin yenṭarren, ur yettεedday ara s lemɣawla.Ɣef usentel-a, aṭas i aɣ-d-yefkan tanaga-nsen belli kullec ixus di sbiṭar-a. Dɣa yiwen seg-sen yenna-d : « Dagi kullec s tmussni. Qqaren sbiṭer d ayla n ddula, meεna deg unnar d anemgal i nettwali. Ilaq wid teεna temsalt, ad rren awellih-nsen i waya ». Imezdaɣ n temnaḍin-a, ssuturen ihi seg yimḍebbṛen, ad d-afen tifrat s uɣiwel i yiɣeblan-a, wa ad sbedden tazeqqa n uraju yeḥman i yimuḍan i d-yewwi fell-asen ad xedmen tiṣlaḍin.
K.K.