Timlilit n tsekla tebda tettaɣ aẓar deg temdint n Bgayet. Tikelt-a tis tlata, ad d-tili deg uxxam n yidles ass n lexmis 12 furar ɣef 2mr n tmeddit d umaru Mustapha Benfodil. Awal ad yili ɣef ungal-is aneggaru Archéologie du chaos (amoureux) i d-yura deg useggas 2007 i d-yeffɣen ɣer tiẓrigin Barzakh deg Lezzayer.
Mustapha Benfodil, i win ur t-nessin, ilul deg Relizane deg useggas 1968, d aneɣmas deg uɣmis El Watan. Yura-d aṭas n wungalen gar-asen « Zarta » deg useggas 2000, « Les Bavardages du Seul » deg useggas 2003. Yura aṭas n tceqqufin n umezgun gar-asent : « Zizi dans le métro » (2001), « Ça va merder à l’Elysée » (2002), « Papa, c’est quoi un faux barrage ? » (2004). Adlis aneggaru « Dilem Président. Biographie d’un émeutier » d win d-yuran ilmend n usmekti n tuber 88 meɛna ar tura ur d-yeffiɣ deg ssuq azzayri, yella anagar deg l’internet.
Dj. Ikhloufi