Bɣan warrac ad zhun, akken i as-yenna ucennay ameqqran Yidir. Ilemẓiyen n Bgayet, ur ttmuqulen ara ɣer wamek i d-tnulfa tmeɣra-ya n Sidi Valentin akken i d-yenna Salim : «tameɣra n yinselmen neɣ n yimasiḥen, nekk bɣiɣ kan ad d-iniɣ,; ḥemmleɣ ɛecqeɣ,; ur tuqiɛ s wayen-nniḍen. Bɣiɣ ad iliɣ d tin ḥemmleɣ.”
Deg Bgayet, iseggasen yezrin ttilint aṭas n tmeɣriwin mi ara d-yaweḍ Sidi Valentin. Ttnejmaɛen wid iḥemmlen, sɛeddayen ass ur t-tettun ara. Kamal d ilemẓi tura yezwej d tin iḥemmel, yenna «ruḥeɣ almi d Tizi Wezzu akken ad sɛeddiɣ tameɣra n Ccix Muḥend u Valentin d tin ɛecqeɣ.»
Ass-a, ma yella ulac aṭas n yimukan i tmeɣriwin-a, ẓran akk medden iwacu, tenna-k salima : «At icumar keččmen-d s tfednin ɣer wallaɣ n yimdanen. Dɣa aṭas i yumnen s wayen i d-qqaren, tameɣra n yimasiḥen bɣan ad rren tamurt n leqbayel d tamasiḥt, ilaq ad tekkes tmeɣra-ya.»
I d-yeqqimen deg tmeɣra n Sidi Valentin akken d-yenna Aziz «tilawin ḥemmlent isefkan (ikaduten), dɣa ttaɣen yirgazen, ssefraḥen-tent. Meɛna anwa i yeṭṭfen tiḥuna taggara-yi, d iḥuliyen n balala akken i asen-isemma ucennay Ulaḥlu, nutni ur ttxemmimen ara, awi-d kan ad farsen tagnit, ad d-rnun cwiṭ n yisurdiyen. Anda i ttaran kan isurdiyen-a?»
Ma d wid iɛecqen, ur ttximem i wanecta, ur xeddmen leḥsab di tayri, ad tent-tafeḍ fernen yakan imukan anda yessibnen tallit d teḥbibt-is.
Amastan. S.