Iseggasen-agi ineggura, yal 8 di meγres, tudrin d temdinin n tmurt n Leqbayel ttbeddilent udem. Taqendurt-nni n lasel d umendil rnan-d cbaha i tudert, rran-d asirem, imi ziγ mazal lasel, ur yuγ ara « Muhenned d Nur » azar di tudrin-nneγ
Anda nniden, tijeğğigin εemrent leswaq, ssawaden yemdanen s ujemmal. D acu kan, ayadra abuddu-agi n tjeggigin ma s tidet, neγ d aγurru n yiwen n wass. ?
Гef-aya, nestaqsa kra n tulawin, yemgarad leεmer-nsent, nnant-d :
Massa Saoudi (deputee n Tubiret)
Aîas n yizerfan i d-têlla teqbaylit. Meâna, $as akken, mazal abrid ivul. bac ad tawev, ilaq ad ibedd sidis-is wergaz : baba-s d watmas, uqebl ad teddu d tislit, d wergaz-is deg wexxam-is. Ass-a, $as ma teîîef amkan, tesâa azal deg waîas n yiêricen n tmetti, mazal abrid ivul. Ilaq ihi, ad tbegges ugar teqbaylit, ur tettraju ara ad nna$en $ef yizerfan-is deg
wemkan-is. ma ulac u$ilif, ad farse$ tagnit, ad selme$ $ef teqbaylit anda ma tella.
Aldjia( 46 n yiseggasen) :
S timmad-iw ur umineγ ara s 8 di meγres ! Tamettut n wass-a ur iwulem ara ad terğu ass neγ ahat azgen n wass iwakken ad d-tbeggen belli mmektan-tt-id yergazen. Lεid n tmettut ilaq ad yili yal ass. Aya, mi ara tili tettidir di lehna d lemwata nettat d urgaz-is. Ur tezmir ad d-tili tmeγra di cwal!
Akellex-a deg yiwen n wass irennu-d iγeblan, imi ziγ tezmer tmettut ad tidir di talwit, tettuherrem. Zran akk medden, axxam yebna γef tmettut, timetti kifkif. D nettat i lsas n tudert, lameεna tezga tuγal di rrif.
Гas akka, d tidet, yella kra i d-yennernan deg yizerfan n tmettut, d acu kan, a wi yufan lukan ur tt-nkebbel ara, ad tili d aεeggal s wazal-is d lqedr-is, melba ma la nekkat ttbel yal 8 meγres iwakken ad nγum tikerkas d ddel ideg tettili. Yerna, ayen akka mazal-itt ur tettif ara amkan am urgaz, d aγurru!
Karima( 22 n yiseggasen):
8 meγres d azamul deg umezruy n umennuγ n tmettut γef yizerfan-is. Ass-a ma nemmekta-t-id, d tajmilt ara nerr i tid yerzan leqyud, suγent γef lhif yekkan fell-asent.
Amennuγ n tmettut yedda amecwar γer zdat, yewwi-d atas n yizerfan, d acu kan abrid mazal-it γezzif, amennuγ ad ikemmel alamma yekkes i lebda uzaglu. Ad ak-d-iniγ tidet, ttrağuγ ass yecban ass-a am waggur n lεid, meqqar nettbini-d d imdanen.
Nna Taouès( 70 n yiseggasen)
Nekk a mmi ur ssineγ ara 8 meγres-agi almi azal n 5 n yiseggasen aya. Nessen kan leεyudat -nni n ddin, tid d-yettasen γef meddden irkelli, ma d tamettut…! Di lweqt-nteγ,; nexdem axxam, berra, neεteb mačči d kra. Ur nessin tuffγa, hala ma tuden yiwet, akken di ccekk. Ula d tirza γer yimawlan s lweqt. Ur nesεi ara awal deg yixxamen, d argaz ara idebbren di yal tamsalt, ula d tin i γ-yeεnan nekkenti. Ula di zwadj-iw yiwen ur iyi-icawer, aya ihuza akk tulawin n tsuta-w. Ur telli tin iεacen d urgaz-is d warraw-is, tawacult tameqrant tettdukkul deg yiwen n uxxam. Seg walluy ar ayelluy d ahbar, d ccγel. Ur d-nrebba arraw-nneγ akken i nebγa, ur asen-neddi di lebγi. Гur-i, am wakken di lkazirna i llan. Tiγawsiwin nettehwiği ur nezmir ad tent-nessuter, ula d argaz yellan gar yimawlan d watmaten-is ur yesεi kra n tlelli ad d-yawi i tmettut-is ayen i tebγa. Nettalas taqendurt d umendil i useggas.
Ma d tura, tbeddel teswiεt s watas, nekk imi ddreγ tin n zik, hsiγ belli tbeddel. ziγ tamettut tezmer ad d-tini aya yelha, aya dir-it…Tuγal ziγ mi ara taden tettdawi, tetteffeγ s anda tebγa, ula γer ssuq. Ass-a, ur tettrağu ara alamma yuγ- as-d urgaz taγawsa-nni tehwağ,; d nettat ara tt-id-yawin.
Ad d-iniγ kan i tigi n tura, ad hercent ad herzent ayen akka i d-yettuhellan d izerfan, axater lukan zrint amek i d-nekker nekkenti ahat ur ttamnent ara.
Yessenteq-itent-id: M. Smail