Ass n lexmis yezrin, mi akken imdanen lhan-d tfernin n tselwit, yiwen n umdan yesɛan azal n 53 n yisegasen di leɛmer-is, tenɣa-t trisiti di tɣiwant-agi. Tawaɣit-a i d-yeḍran tameddit n wass, teɣḍel-d leḥzen d ameqqran, ayen yeddemren imdanen ǧǧan isendyaq n lbut iwakken ad ruḥen ad ɛezzin imawlan n wagi yemmuten. H. Chebbout, imi d netta i tḥuza lmusiba, iruḥ iwakken ad iɛiwen yiwen seg warrac n twacult-is deg useqqef n yiwet n txemmat ara yuɣalen d taḥanut. Akken kan yebda lxedma, yettu belli nnig uqerru-is ɛeddan lexyuḍ n trisiti. Qqen tiṭ teldi-tt, temmeɣ-d fell-as amzun d talafsa, teccelqef leɛmer-is. Γas akken wwin-t s lɛejlan ɣer sbiṭar n M’chedallah, ur d-teǧǧi deg-s trisiti ayen ara d-rren yimejjayen. Argaz-a, yettwassen s ssfa d leḥdaqa, hemmlen-t akk medden.
M. Smail