Ddurt-a yezrin, nemlal d uselway n tdukla « Rraḥma », zdat n Pizzeria K. Ré, yezgan d ubrid n Sidi Ḥmed deg Bgayet. « D yiwen rruḥ n lmumen, i iwessan bab lemḥel-a, ad yettseddiq 30 les pizzas abrid deg wayyur, netta ara tent-ixellsen. « , i aɣ-d-yerra s wawal Lyazid Xima.
D anwa-t umdan-a ? Yiwen ur yeẓri. Ansi-t ? Yiwen ur yeẓri. Amek i d-yella lxetyar n tarwa-ya yenḥafen ? Lyazid Xima, yenna-d : « Nextar-iten-d gar tarwa n twaculin n tuǧǧal neɣ n lxalat i inebran ijerden iman-nsent ɣur-neɣ. Syin, ad neɛnu lakulat yezgan da di Bgayet, syin ad nuɣal ɣer lejridat n twacullin yenḥafen yellan deg tɣiwant. «
Γef 3 tmeddit armi d luǧuh n 6, taḥanutt-a n wučči telha-d anagar i warrac, wid i d-tenced tdukla. Udem warrac-a iceɛceɛ,; ferḥen s wayen i ten-id-yettraǧun, ferḥen s temlilit gar-asen. Ma d imawlan-nsen fiḥel ma nenna-d, llan wid yettrun.
Mi kfan la pizza, rnan-asen-d les glaces, syin akkin ad dhun s wayen i sen-d-heyyan i uferreǧ. Tikelt-a, daɣen yuɣal-d ɣur-sen Charlot. Ar taggara, takebbanit n uyefki Candia, yezdi-d afud-is i lemɛawna d sadaqa. Yefka-d i yal yiwen tarzeft.
Gar tuccar kan, tidukla « Rraḥma », d tin yettkelfen di tazwara s yimɣaren, tura ata terna-d ula d arrac. Deg unebda-ya, glan s kra yemɣaren ɣer lebḥer, kkan kra wussan deg Saket, ddaw iqiḍunen n tɣiwant Bgayet. Asmi d-wellan yimɣaren-nni, wwin arrac.
Mohand Ouhmed