Am useggas-a am yiseggasen yezrin ? Bgayet teqqim akken d tamdint ttectiqin medden i tt-yeẓran yakan. D tamdint ḥemmlen ad tt-id-ẓuren medden. Kra win i d-yerzan ɣur-s yettwaseḥḥer. Netta ad yuɣal, ines ; nettat ad tuɣal, ines.
Deg unebdu n useggas-a, aṭas n yiḥewwasen i d-yejban ɣer Bgayet, wa yusa-d ɣer temdint-is, wa yusa-d ɣer teẓgi-ines, wa yusa-d ɣer wallel-is. Kra win i d-yusan yufa iman-is. Ayen isuter ad t-yaf zdat-s.
Aya yella-d s leqdic i d-gan akk yimḍebbren neɣ yimezdaɣ n temdint-a. Γef uheyyi n tallit n unebdu, aseggas-a Lwali n Bgayet, yessawel i yiselwayen n tɣiwanin, akken ad mmifhamen gar-asen, akken ad d-ssalin ahil ara isaɛden merra timnaḍin : leqdic ara yilin deg tɣiwant flan ur d-yettili deg yiwen n wass neɣ deg yiwet ddurt deg tɣiwant-nniḍen.
Ma d imezdaɣ yal wa seg tama-s yexdem akken yezmer iwakken ad yessefreḥ tiwaculin i d-yerzan. Win ur yulin ɣer temdint taqdimt, ad iwala lɣaci i d-itezzin ɣer tḥanutt n Dda ɛli bu la glace, akken ad sibnen la glace-ines.
Ma d iɣeblan i d-yettḥettimen iman-nsen, ugin ad kfun, llan wid n leḥris yezgan deg yiberdan, yakk d trisiti yettneqḍaɛen. Ar tura, ulac win i d-yufan tifrat. Lḥuma n Aɛemriw ɣer kra tsaɛtin, menyaf ad tedduḍ ɣef uḍar wala ma teddiḍ deg tkerrust. Akken daɣen ɣer lḥuma Cercari (les 04 chemins), ur yettaf iman-is la win i d-ikecmen, la win ara yeffɣen.
Meɛna, yella-d wayen yelhan. Ayen yessefraḥen aseggas-a, ulac lfuḥa n leknis deg yiberdan. Ixeddamen n tɣiwant n Bgayet, ttqamen s lecɣal akken ilaq, ɣas ulamma, aselway n tesqamutt yettkelfen s wuɣus (hygiène) deg tɣiwant acḥal-aya segmi yeffeɣ berra i temdint n Bgayet.
Ait Ighil Mohand