Tamnaḍt n Draɛ Benxedda I d- yezgan ɣef teɣzi n 10 km deg umalu n temdint n Tizi Wezzu d tin I d- yesfaydan s yiwen n usenfar n lebni n uxxam amaynut n ddayra. Aneggaru-a d win ara yesɛun tizeɣwa n uxeddim d yiwen n tzeqqa nniḍen i yixeddamen. Ad nerr lwelha belli axxam n ddayra aqdim d win meẓẓiyen mačči d kra, ayen yesweɛren axeddim ladɣa imi netta d win I d-yesdukklen 4 n tɣiwanin, gar-asent: Draɛ Benxedda, Sidi Naɛman, Tadmayt d Tirmitin. Deg taggara, ad d-nesmekti belli ddayra-a d tin yesɛan 172,23 km2 ideg ttidiren azal n 84 000 n yimezdaɣ.
D.I.
At Umalu
Ad yaweḍ lgaz
Taɣiwant n At Umalu i yellan deg ddayra n Tizi Raced d tin I d- yesfaydan s yiwen n usenfar n ucuddu ɣer uqadus n lgaz n temdint ara d-yilin ɣef sin n yiḥricen.
Aḥric amenzu d win yerzan acuddu n 1 100 n yixxamen, ma d wis sin ad d-ikemmel 2 000 n yixxamen I d-yeqqimen. Ad nerr lwelha belli asenfar- agi mazal- it deg unnar n tezrewt, maca, ɣef leḥsab n yisallen I d-nesqucceḍ, ur yettɛeṭṭil ara ad yebdu, acku ulac kra n wuguren neɣ iɛewwiqen ara d-yekken ama seg yimawlan n wakal neɣ seg tama nniḍen. S wakka, ad tekfu ccedda d lḥif I ttmagaren yimezdaɣ yal mi ara d-taweḍ tegrest. Ad nerr lwelha belli taɣiwant-a d tin I d- yezgan deg udrar ɣef leɛli n 400 m,
Si tama nniḍen ad d-nesmekti belli asenfar n ucuddu ɣer uqadus n lgaz n temdint deg taɣiwant n At Yiraten, I d- yezgan rrif n tin n Tizi raced, d win yewwḍen ɣer uḥric aneggaru.
D. I.