Tikkelt-a daɣen, inelmaden yesɛeddan akayaḍ n taggara n uswir alemmas ur ten-tezgil ara tyita i tuɣ tutlayt tamaziɣt. deg tazwara kan, frawsen warrac d tullas mi ḍallen ɣef sebɛa tewriqin, yal ta amek i tettwaru. Ḥaren msakit anisi ara bdun, imi texleḍ tantala taqbaylit akked tcawit, rnu ɣur-sent tlata tira: talaṭinit, taɛrabt d tfinaɣ. Tuget deg-sen, almi i ɛeddant 20 n tedqiqin iwakken ad ḥsun aniwi isestanen iɣef ara d-rren. Ɣer taggara n uḍris, ad naf isem n umyaru di tama tayeffust. Tis-snat, d tamsalt yerzan ayen i d-yeddan deg ukayaḍ. Tagnit n umsiḍef ur d-tbeggen ara i unelmad acu i ilaqen ad t-id-yaru. ur yeẓri ma d ullis, neɣ d adiwenni. lḥasun, d aseḥluli !
Ayen akk i yufraren ɣef waya d aseɣti n ukayaḍ-a di Tubiret. Akk tangawin ttwaseɣtint, tizmilin nsent ttwaxedment deg umkan. Ma d tamaziɣt, tettwaseɣti deg umkan, maca tizmilin ad ruḥent alamma d tamdint n Sétif iwakken ad tent-ḥesben din, ma yella kra n wugur ad tent-id-rren ɣer Tubiret ad ttuɛawdent.
Ass-a, negguma ad nefhem iswan n wid yellan deffir rray yecban wa, acku ur yelli d win ara yesseddun tamaziɣt ɣer zdat.
Sylia. M