Sbiṭar ameqran n temdint n Azeffun yelli yiwen n serbis n uṣeffi n yidamen ass amenzu n waggur n Unbir ilmend n umulli wis 60 n beddu n tegrawela n tmurt neɣ. Azal n 14 n tawilat uṣeffi n yidamen n imuḍan n tgeẓal neɣ ayen iwumi neqqar s tutlayt n tefransist “les générateurs” ara d-yilin ilmend n yimuḍan-a yellan yakan ttruḥun ɣer temdinin n Tigzirt, Tizi Wezzu d Iɛeẓẓugen yal ddurt akken ad ṣeffin idamen nsen. Si tama niḍen, yella-d usiǧhed n tawilat n useffi n yidamen deg sbiṭar n Tigzirt s wazal n 4 n tawilat imaynuten ( les générateurs). Aya mebla ccek d ayen ara yesifsusen taɛkemt ɣef imuḍan i yenṭerren mačči d kra. Ad d-nesmekti belli azal n 14 600 n tikwal iɛeddan imuḍan deg tawilat n “dialyse” seg umenzu n useggas deg nela almi d taggara n waggur n cutember deg sbiṭar ameqran Nedir Muḥmed n Tizi Wezzu u ɣur d-ttassen ula d imuḍan n lwilayat n Bumerdas, Tubiret d Bgayet. Am akken yewweḍ leḥsab n imuḍan n tgeẓẓal ɣer wazal n 1 000 . Tella-d tuẓut n tgẓal i 85 n yimdanen seg 2006 ar ass-a, deg sbiṭar Nedir Muḥmed, gar-asen 52 n yirgazzen, 21 n tlawin d 12 n iqrar.
Dalila.I