Tasebḥit n wass-nni n lhed 02 seg yebrir, tella-d tulya tunṣibt n tesnawit n tɣiwant n Bujimaɛ i ttraǧǧun yinelmaden acḥal-a. Ḥedren tulya-agi aṭas n yiwudam n Tenmehla n usegmi n lwilaya n Tizi Uzzu, kra-nniḍen seg Usqamu aɣerfan aɣiwan n Bujima&epsilon,; llan ula d imawlan n yinelmaden. Ferḥen aṭas yinelmaden d iselmaden imi yekfa fell-asen lḥif d yiɣeblan i d-ttmagaren. Ad d-nesmekti kan belli, isnawiyen-agi gren yakkan tiɣri i Tnemhalt n ttrebga akked Usqamu aɣerfan aɣiwan n Bujima&epsilon,; gan yakan yiwet n tikli ɣer tewwurt n tesnawit-agi tamaynut, yerna qqimen azal n ddurt ur ɣrin deg ukerḍyur wis sin. Niqal, fkan-asen-d ttiεad i useggas iεeddan, uɣalen nnan-asen-d alamma d akerḍyur amezwaru n useggas-agi aɣurbiz 2016-2017, i 25 di yennayer-agi yezrin, tura d ayen gezmen-tt deg rray, sḥersen timsal, armi i d-tella tulya-s deg tazwara n ukerḍur wis kraḍ.
Amazigh Ghani