Wwet-itt ɣer tmurt, ussan-agi, a twaliḍ amek tekker gar At Wadda d At Ufella. Ɣef waken d-nnan yemɣaren-nnsen, ɛni yewwet-d waḍu, iɛerq-as webrid, ihubb-d ɣef taddar-nnsen.Deg wass-nni, tekker gar-asen, yeɛreq yixef-is…Yeɛreq yixef-is seg wasmi begsen At Wadda ɣer ccna, amezgun, isefra d ccḍaḥ..akken kan I d-qqaren tiqeṛḥanin, tifuḥanin, tiẓidanin, timelḥanin…Yal tasebḥit ad d-ssakin At Ufella s ccnawi-nnsen: Tilelli, ameẓẓarti, tamaziɣt, aḍellaɛ, ay ixef-iw rfed asefru…Iserreḥ yiles, ayen ibeɛden ur t-nettayes! Amer di yelli lewqam, tili aqerru n taddart ur yessaɣay ara deg umkan-is am udfel, am yiḍelli am ass-a. At wadda akken xedmen ur ɛeddan ara dɣa rran-tt I ccna d usefru, amer a sen-telhu.. Sidi sselṭan, iɛeǧeb-as wemkan-is, yeggul ur yeṭṭaxer alukan a teglu s yixef-is.Yekker inebc-d At Ufella, di ddraɛ d tmenqas, yiwen ur sen-yezmir ara.Inced-iten-id ɣer ccwal, din I tenteḥ am tmes yuɣen melba isɣaren..Anwa akka s-yesmentagen, anwa yugaden a texsi? A necnu I “ujeǧǧig n usuki, win yettun a t-id-nesmekti, ay beḥri”!
Zira