Tiddukla tadelsant «AẒAR» n taddart n Ugni Ḥmed i d-yezgan deg tɣiwant n At Yanni, thegga-d tazrigt tis mraw ṣa n tfaska unezgum. Tafaska-agi i d-yettuɣalen d tajmilt i Nazim METREF akked Ɛebdereḥman MECWAT ad tili seg 05 (semmus) alarma deg 10 (mraw) deg waggur n yulyu 2015, i deg tettekki tɣiwant n At Yanni, Tmehla Tadelsant n Tizi wezzu d Umezgun n KATEB Yasin akken daɣen llan wid nniḍen d-yefkan afud am: Tamhla Timerḍit d Waddal(DJS), Tamahla Tanezzut (D.commerce), ”Jardin-Secret», “Yannicom “, “Facebook At Yann ’’.
Yal iḍ seg wuḍan-agi ad tili yiwet n terbaɛt umezgun d yiwet n tmezgunt ara d-yurar yiwen kan n unazur (monologue), dayen ara yesferḥen tiwaculin ara d-yerzun ɣer tfaska-agi. Ma ilmend n wass aneggaru thegga-d yiwet n lficṭa anida i d-te3reḍ kra n yinaẓuren nniḍen. Ahhil d anesbaɣur imi imdanen iɛǧeb-asen lḥal mačči d kra imi d-kksen ɣef wul-nsen.
Ɣer taggara ad d-nini ur ilaq ara ad aɣ-ruḥent tmliliyin tidelsanin am tigi. Acku, amezgun d ayen yellan seg zman aqbur, d netta i tazuri tis seddis, s yes i ilemmed wegdud aṭas n lewqama ɣef tlufa n ddunit.