Taɣiwant n At Σissa Mimun i d-yezgan, deg ugafa n lwilaya n Tizi Wezzu, i yebaɛden azal n 15 n km yerna ideg llant 23 n tudrin, mazal tettidir iseggasen-ayi ineggura lexsas d ameqqran, deg yeḥricen d yisenfaren yemgarden n tudert tatert am lgaz n temdint.
Taɣiwant-ayi yura deg unyir-is lḥif; acku ar ass-a n wussan mazal aɣbel n waman d lgaz n temdint ur yefri ara. Imi mazal aṭas n tudrin yeddren aɣbel-ayi, acku di tenaṣfa n useggas 2015 mazal ar ass-a werԑad yekcim ixxamen n medden, anida Leqrar-is ?.
Aṭas n tudrin mazal tterağun lɣaci am win yettrağğun ayyur n Lԑid melmi ar d-ilal, yerna wa-ayi qqrib ad ibban ma d lgaz “ṛuḥ ay aԑrab ar tafsut», neɣ ahat fiḥel i tuddar n udrar n At Σissa Mimun. Llan-t kra tuddar seg-s bedan inmuhal neɣ lecɣacal n usԑeddi-ines am taddart Uqawej, taddart Ibussaden, taddert n Iɣil n Wuccen; d ayen i d-yeglan s wugur niḍen d win n yibardan, imi deg waṭas n tudrin-ayi ideg bdan inmuhal n lgaz n temdint, yella-d usekfel n waṭas yibardan yecban; abrid n Uqawej, d win n Laԑzib n Bugeni n Σmer, arnu ɣer-s abrid n taddert Iɣil n Wuccen. Llant kra n tuddar mazal werԑad itent-id-arran deg leḥsab-nsen am: taddart n Tḥanut, Tizi n Txarubt, Imqecren, Laԑzib n Bugeni n Σmer, Menԑem, Buṣwar…
Imezdaɣ n tuddar -ayi arwan lḥif ladɣa deg utesmhuyt n tegrest, neɣ deg ussan n ccetwa, imi acḥal n tikkal i leḥun d likumiṭer i wakken ad awin taqqerɛat n lgaz, ama d aggefur neɣ d adfel, tikwal ttuɣalen-d ifasen d ilmawen. D ayen iten-yeğğan ad d-gren tiɣri yerna ad suturen deg wid teԑna temsalt ger-asen yimeḍberen n tɣiwant At Σissa Mimun iɣef yella ɣef uqarruy-is mass Aki Caban d Tanmehla n Imuhal Izuyaz (Direction des Travaux public). Ar melmi ara tedum akka, taɣiwant n At Σissa Mimun ad teqqim mebla lgaz n temdint? .
Ʃedwan Ʃebdelɣani