Iɣeṛbazen di tɣiwant nAt Mansuṛ llan deg-sen lixṣaṣ am iɣeṛbazen akk n tmuṛt! Mačči d wa i d aɣbel, agnu as m aṛa ibabaten n-inelmaden ggaṛen ifassen-nsen ɣeṛ lǧib iwakken ad t-sufɣen tadṛimt sawyes ad…awsen (ad 3iwnen) iɣeṛbazen-agi ! Acu-t wagi? Ma yella kṛa igeṛzen d-imawlan n-inelmaden ad iqablen, ma yella kṛa n lixṣaṣ yellan deg ɣeṛbazen d nutni daɣen, as t ini-ḍ ulac wid ittdebiṛen ɣef ayagi!! Ad nawi yiwen u medya: Deg ɣeṛbaz n Ṣafiya Ɛli, di Tawṛiṛt, aqeṛṛu n tɣiwant n at Manṣuṛ, aṭaṣ n lixṣaṣ i gellan. Afṛag anda ttuṛaṛen inelmaden uṛ yaɛdil aṛa, iččuṛ d-idɣaɣen akk d-aṛmel. Inelmaden maṛa d fɣen, ttuṛaṛen, ǧelliben deg ufṛag-agi. Aṭaṣ ig ɣlin ǧeṛḥen. Maṛa tewwet lahwa, ittuɣal ttamalqa. Ihi, kṛen-d imawlan n-inelmaden-agi, akken iɣ d yenna uselway n tidukla n-imawlan n-inelmaden n-uɣeṛbaz-agi, ǧem3en tadṛimt iwakken ad ḍlun siman i wefṛag-agi, s lem3iwna n yiwen umeṛkanti n tama-agi. Ayen niḍen: « Ṭwaqi yeṛẓen daɣen d-imawlan n-inelmaden-agi ig ǧemɛen iṣuṛdiyen iwakken ad-aɣen zzaǧ » ɣef akken i-ɣ-d yenna mas-agi. Wigi d kṛa n-imedyaten id yessebganen belli iɣeṛbazen xuṣen aṭaṣ, yeṛna myal tikelt d-imawlan n-inelmaden kan i ttazalen iwakken a qe3den tilufa, as t-ini-ḍ iɣeṛbazen-agi uṛ s3in aṛa imḍebṛen ! Deg ɣeṛbaz-agi, aqadus n lgaz uṛ ittwamḍal aṛa akken ilaq lḥal. Azgen-is ittban-d. D-ayen i d ixedmen aɣbel amuqṛan i yimawlan n waṛṛac-agi.
Syphax Y.